التونسي شعب مقعار و نبار في المطلق . سي المنصف المزوقي عانى من تمقعييرنا اللي يوصل للسبان و التطاول . برشا توانسا ما جاهمش سي المنصف على المظاغة لأسباب إيديولجية ، نفسية و إجتماعية وحتى تقنية سي الطرطور كان خذا 30 مليون شهريّة ما يعجبهمش و تقوم القايمة!! كان تنازل عليهم يقولولك ما نحبّوش الصّدقة!!! كان قعد في قصر قرطاج يقولولك يموت عالكرسي!!! كان دار في البلاد و المناطق المهمّشة و زار عائلات الشّهداء يقولولك شُعبويّة و تمثيل!!! كان قرّر يبيع بعض القصورات إلّي بناوهم بفلوس الشّعب بش يحدث بيهم مشاريع تنمويّة و يخلق بيهم مواطن شغل يقولولك هاذي مسّ بالذّاكرة الشعبيّة و تاريخ البلاد و ممتلكات الدّولة!!! كان قرّر بش يرجّع بعض القطع الأثريّة الموجودة في قصر قرطاج إلى المتاحف الوطنيّة بش يشوفوها النّاس و يدرسوها الباحثين يقولولك علاش؟ ماو يخلّيهم في القصر و يورّيهم لضيوفُو!!! كان قال فرنسا يلزمها تحترمنا و تتعامل معانا كشركاء موش كزبائن يقولولك بش يهردنا و يتسبّب في طرد التّوانسة من فرنسا!!! كان ساند الثّورة السلميّة في سوريا ضدّ القمع و الإستبداد يقولولك آش مدخّلنا فيهم و خلّينا مُحايدين!!! كان سكتّ يقولولك كيفاش حقوقي كيفو ما يندّدش بانتهاك حقوق الإنسان في سوريا!!! وكان طلب هدنة ستّة أشهر، يقولولك ياخي أحنا في حالة حرب باش عملو هدنة.... حاصيلو ملّخّر!!!!!! تعرفوشي كيفاش : رجّعولهم زين العابدين بن علي بوهم الحنين و حامي حماهم و حرمه (السيّدة الفاضلة)... » الجماعة هاذم يصح فيهم قول مراد الثالث
كم تثقفتم يا أهل باجة حتى أنكم صرتم تقولون للحمارين امشين !
ليست هناك تعليقات:
إرسال تعليق