برشا وسخ و برشا جراثيم قاعدة تنهش في البلاد ؛برشا بياعة كلام ضحكو على الزوالي و باعوه بأرخص الأسوام نحكي على مصاص دماء كائن غير عادي إسمو أش علينا من الذكر و الحصر نحكي على بعض النقابيين الي تمعشو في زمن الكوليرا و اللي تحولو إلى مناضلين: قلو يا بابا وقتاش نولو شرفاء قلو وقت إلي يموتو كبار الحومة ...الله يرحمك يا حشاد... جاء النهار اللي تحولت فيه الزبلة إلى أداة عمل سياسي ! في تونس فقط على خاطر الزبلة نشعلو حرب في البلاد...في تونس فقط إضراب عمال النظافة يدوم أربعة أيام ! إيه و الحكومة اللي ركزت في برنامجها الإنتخابي على نظافة اليدين ; الحكومة ما هيش لاهية بينا توه هي، لاهية بسوريا و أصدقاء سوريا و في نفس الوقت ألاف الشباب مطيشة و تنتحر ولا إتحاد دافع عليهم و لا حكومة سمعتهم...المجتمع المدني يحلل و يناقش في ختان البنات : بعد السيف علق المنجل. إيه ما دمنا نحكيو على الطهارة و النجاسة نصييحة من تونسي غيور على الوطن للي يحب يعمل السياسة : ماذا بيك تمشي تنظف قدام داركم و مرحبا بيك في أي وقت .
ليست هناك تعليقات:
إرسال تعليق